ষষ্ঠ সর্গ – ধৃষ্ট বৈকুণ্ঠ
অথ তাং গন্তুমশক্তাং চিরমনুরক্তাং লতাগৃহে দৃষ্ট্বা |
তচ্চরিতং গোবিন্দে মনসিদমন্দে সখী প্রাহ ||১||
গীতম্
গোণ্ডাকিরীরাগেণ রূপকতালেন গীয়তে
পশ্যতি দিশি দিশি রহসি ভবন্তম্ |
তদধরমধুরমধুনি পিবন্তম্ ||
নাথ হরে সীদতি রাধা বাসগৃহে ||১||
ত্বদভিসরণরভসেন বলন্তী
পততি পদানি কিয়ন্তি চলন্তী ||৩||
বিহিতবিশদবিসকিশলয়বলয়া
জীবতি পরমিহ তব রতিকলয়া ||৪||
মহুরবলোকিতমণ্ডনলীলা
মধুরিপুরহমিতি ভাবনশীলা ||৫||
ত্বরিতমুপৈতি ন কথমভিসারম্ |
হরিরিতি বদতি সখীমনুবারম্ ||৬||
শ্লিষ্যতি চুম্বতি জলধরকল্পম্ |
হরিরূপগত ইতি তিমিরমনল্পম্ ||৭||
ভবতি বিলম্বিনি বিগলিতলজ্জা
বিলপতি রোদিতি বাসকসজ্জা ||৮||
শ্রীজয়দেবকবেরিদমুদিতম্
রসিকজনং তনুতামতিমুদিতম্ ||৯||
বিপুলপুলকপালিঃ স্ফিতশীত্কারমস্তজনিতজড়িমকাকুব্যাকুলং ব্যাহরন্তী |
তব কিতব বিধায়ামন্দকন্দর্পচিন্তাং রসজলধিনিমগ্না ধ্যানলগ্না মৃগাক্ষী ||১০||
অঙ্গেম্বাভরণং করোতি বহুশঃ পত্রেহপি সঞ্চারিণি
প্রাপ্তং ত্বাং পরিশঙ্কতে বিতনুতে শয্যাং চিরং ঘ্যায়তি |
ইত্যাকল্পবিকল্পতল্পরচনাসঙ্কল্পলীলাশত-
ব্যাসক্তাপি বিনা ত্বয়া বরতনুনৈষা নিশাং নেষ্যতি ||১১||
কিং বিশ্রাম্যসি কৃষ্ণভোগিভবনে ভাণ্ডারভূমিরুহি
ভ্রাতর্যাহি ন দৃষ্টি গোচরামতঃ সানন্দনন্দাস্পদম্ |
রাধায়া বচনং তদধ্বগমুখান্নন্দান্তিকে গোপতো
গোবিন্দস্য জয়ন্তি সায়মতিথি-প্রশস্ত্যগর্ভা গিরঃ ||১২||