সুন্দরি কলয় সপদি নিজ চরিতম্।
ত্বমতনুকর্মণি বিদুষি রসিকমমু-
মাকর্ষসি গুণ কলিতম্।।ধ্র।।
নিজমন্দির মনু- পদলসদিন্দির-
মপি পরিহায় বিলাসী।
অভবদপাস্ত স- মস্তকলং গিরি
কন্দর তটবন বাসী।।
ভবদনুরাগ নৃ- পতিকৃত হা কিম-
কারণ বৈরমপারম্।
প্রহরতি মনসিজ ধনুরমুনা প্রহি-
তং যদমুং কতিবারম্।।
জীবয়িতুং যদি কান্তমনন্ত-
গুণালয়মিচ্ছসি কান্তে।
অভিসর সংপ্রতি তং প্রতি ভামিনি
হরিবল্লভ-ভণিতান্তে।।