সঞ্চরদধরসুধামধুরধরনিমুখরিতমোহনবংশম্।
বলিতদৃগঞ্চলমৌলিকপোলবিলোলবতংসম্।।
রাসে হরিমিহ বিহিতবিলাসং।
স্মরতি মনোমম কৃতপরিহাসম্।।ধ্রু।।
চন্দ্রকচারুময়ূরশিখণ্ডকমণ্ডলবলয়িতকেশম্।
প্রচুরপুরন্দরধনুরনুরঞ্জিতমেদুরমুদিরসুবেশম্।।
গোপকদম্বনিতম্বতীমুখচুম্বনলম্ভিতলোভম্।
বন্ধুজীবমধুরাধরপল্লবমুল্লসিতস্মিতশোভম্।।
বিপুলপুলকভুজপল্লববলয়িতবল্লবযুবতিসহস্রম্।
করচরণোরসি মণিগণভূষণকিরণবিভিন্নতমিস্রম্।।
জলদপটলবলদিন্দুবিনিন্দকচন্দনতিলকললাটম্।
পীনপয়োধরপরিসরমর্দ্দননির্দ্দয়হৃদয়বাটম্।।
মণিময়মকরমনোহরকুণ্ডলমণ্ডিতগণ্ডমুদারম্।
পীতবসনমনুগতমুনিমনুজসুরাসুরবরপরিবারম্।।
বিশদকদম্বতলে মিলিতং কলিকলুষভয়ং শময়মন্তম্।
মামপি কিমপি তরঙ্গদনঙ্গদৃশা মনসা রময়ন্তম্।।
শ্রীজয়দেবভণিতমতিসুন্দরমোহনমধুরিপুরূপম্।
হরিচরণস্মরণং প্রতি সংপ্রতি পুণ্যবতামনুরূপম্।।