কেলি-রস-মাধুরী ততিভিরতিমেদুরী
কৃত-নিখিল-বন্ধু-পশুপালং।
হৃদি বিধৃত-চন্দনং স্ফুরদরুণ-বন্দনং
দেহ-রুচি-নির্জ্জিত-তমালং।।
সুন্দরি মাধবমবকলয়ালং।
মিত্র-করলোলয়া রত্নময়-দোলয়া
চলিত-বপুরতিচপলমালং ।।ধ্রু।।
ব্রজ-হরিণ-লোচনা রচিত-গোরোচনা-
তিলক-রুচি-রুচিরতর-ভালং।
স্মিত-জনিত-লোভয়া বদন-শশি শোভয়া
বিভ্রমিত-নবযুবতি-জালং।।
নর্ম্মনয়-পণ্ডিতং পুষ্পচয়-মণ্ডিতং
রমণমিহ বক্ষসি বিশালং।
প্রণত-ভয়-শাতনং প্রিয়মধি সনাতনং
গোষ্ঠ-জন-মানস-মরালং।।